TTANTTA GAZI-GOZOAREN DASTAKETA
Ozpin urtetsua
da, frantses haritzarekin egindako barriketan ondua. Egurrak usain
bere-bereak ematen dizkio, eta horri esker, gazi-gozoak perfekzioa eta
sotiltasun goratsua lortzen ditu.
Urre zaharraren kolorekoa,
usainen eragin sendoa du. Dotorezia handiko usain klasikoak eskaintzen
ditu, oso frutatsua da, leun freskoa du gorputza, eta garraztasunari
ondo doakion gozotasun halako baten ukitua du.
TTANTTA OZPINA, TTANTTA GAZI-GOZOA
TTANTTA
izeneko ozpina eta gazi-gozoa egiterakoan, arreta handiko metodo astiro
bat jarraitu da, helburu nagusia lortzeko: jatorrizko ardoaren
ezaugarriak errespetatzea eta osagai lurrunkorrak gordetzea, gaur egun
erabiltzen diren hartzidura azkarreko metodoak saihestuz. 150 urteko
esperientzia du Schützebach izeneko metodo tradizional honek.
Hondarrabi Zuri barietateko ardoa hartu eta, astiro-astiro baina
etenik gabe, ozpintze-prozesuari ekiten zaio bakteria ozpingarrien
geruza txirbiltsu batetik pasaraziz, aldi berean, baina kontrabidean,
modu naturalean eragindako aire-korrontea pasatzen delarik.
Horixe da metodorik egokiena TTANTTA bezalako ozpin eta gazi-gozo
goratsuak egiteko. Hartarako, denbora eta errendimendua sakrifikatzen
dira, osagarri organoleptikoen mesedetan.
